Astanada gúl jáne kókónis pavılondary alynyp tastalmaq
ASTANA. 30 shilde. QazAqparat - Astananyń Saryarqa aýdanynda gúl jáne kókónis pavılondary alynady, dep habarlady astana.kz saıtyna aýdan ákimdiginen.
«Qazaqstan Respýblıkasy Jer kodeksiniń 43-b. 10-t. sáıkes jer ýchaskesiniń naqtyly (belgili bir jerdegi) shekarasy belgilengenge deıin jáne quqyq belgileıtin qujattar berilgenge deıin jer ýchaskesin paıdalanýǵa jol berilmeıdi. Osy talaptardy saqtamaý jer ýchaskesin óz betinshe ıelený dep baǵalanady jáne QR ákimshilik quqyq buzýshylyq týraly zańnamasyna sáıkes, ákimshilik jaýapkershilik qarastyrylǵan. 2011 jylǵy 26 mamyrdaǵy «Jer ýchaskesin óz betinshe ıelenip alý faktilerine jol bermeý týraly» Astana qalasy ákiminiń qatysýymen ótken jınalysynyń hattamasyna jáne 2011 jylǵy 3 naýryzdaǵy Astana qalasy máslıhatynyń «Astana aýmaǵynda ýaqytsha ornatylǵan saýda nysandaryn kezeńmen shyǵarý týraly» Sheshimine sáıkes zańsyz ornatylǵan nysandy ózderińiz shyǵarýyńyzdy suraımyz», - delingen aqparatta.
Atalǵan talaptar oryndalmaǵan jaǵdaıda ókiletti organdar nysandardy májbúrlep shyǵarý boıynsha sharalar qoldanady, al olardyń ıeleri belgilengen zańnamaǵa sáıkes jaýapqa tartylady.
