Astanada grýzııalyq gastroler-urylar quryqtaldy
TANA. 22 qarasha. QazAqparat /Arman Asqarov/ - Astanada kólik tonaýmen aınalysqan grýzııalyq gastroler-urylar ustaldy.
Bul týraly búgin Astana qalasynyń Іshki ister departamentiniń Tergeý basqarmasy bastyǵynyń orynbasary Aıdos Rysbaev málim etti.
Onyń habarlaýynsha, buǵan deıin Reseıde kólik tonap, sottalǵan urylar qarashanyń 19-y kúni Astana qalasynda qylmys ústinde ustaldy. 1987 jylǵy jáne 1991 jylǵy grýzııalyq azamattar avtokólikterdi ashý úshin arnaıy skanerleý qurylǵysyn paıdalanǵan. Qylmystyq toptyń úsh márte urlyq jasaǵany dáleldendi. Budan basqa, olar skanerdiń kómegimen on ret jeńil avtokólikterdi ashqan. Biraq onyń ishinde eshteńe tappaǵandyqtan, nápaqasyz qalǵan. «Qazirgi kezde qylmystyq is qozǵalyp, ustalǵandar ýaqytsha oqshaýlaý abaqtysyna jabyldy», - deıdi A.Rysbaev.
