Astanada grepplıngten halyqaralyq týrnır ótip jatyr
ASTANA. QazAqparat - Elordada grepplıngten dástúrli «ASTANA OPEN» halyqaralyq týrnıri ótýde, dep habarlaıdy QazAqparat tilshisi.
Sport básekesine óz elimizden bólek, BAÁ, Brazılııa, AQSh, Reseı, Qyrǵyzstan jáne Ózbekstan elderiniń grepplıng sheberleri qatysýda.
Eki kúnge sozylatyn týrnır balalar (7-13 jas), jasóspirimder (14-17 jas) jáne eresekter toby boıynsha ótedi.
«Dástúrge aınalǵan grepplıng týrnıri osymen 4-shi jyl ótip jatyr. Jyl sanap onyń geografııalyq aýqymy keńeıýde. Bıylǵy jarysqa alǵash ret AQSh pen Brazılııa elderiniń ókilderi qatysyp jatyr. Sport jarysy eki kún boıy ótedi, ıaǵnı búgin balalar men jasóspirimder synǵa tússe, erteń eresekterge arnalǵan týrnır bastalady. Bıylǵy básekeniń eresheligi - jastar kımonomen, al úlkender kımonosyz kúresedi. Taǵy bir aıta keterligi, týrnırge elimizdiń barlyq óńirinen sportshylar qatysýda», - deıdi QR Grepplıng qaýymdastyǵynyń prezıdenti Qanat Alın.
Halyqaralyq týrnır QR Mádenıet jáne sport mınıstrligi men Qazaqstannyń jaýyngerlik óner qaýymdastyǵynyń qoldaýymen ótýde. Jarysqa 700-den astam sportshy qatysyp jatyr.
