Astanada grek-rım kúresinen jastar arasynda halyqaralyq týrnır ótedi
ASTANA. KAZINFORM - Elordada 11-13 naýryz kúnderi grek-rım kúresinen 20 jasqa deıingi balýandar arasynda halyqaralyq týrnır ótedi.
Halyqaralyq týrnır Olımpıada jáne Álem chempıony, Qazaqstannyń Eńbek Eri Jaqsylyq Úshkempirovti eske alýǵa arnalady.
«Týrnırge Qazaqstan, Belgııa, Ázerbaıjan, Horvatııa, Qyrǵyzstan, Ózbekstan, Saýd Arabııasy, Reseı, Ýkraına jáne Tájikstan balýandar qatysady. Bedeldi básekede bozkilem sheberleri 55, 60, 63, 67, 72, 77, 82, 87, 97 jáne 130 keli salmaqta synǵa túsedi», — dep málim etti Qazaqstan kúres túrleri federatsııasynyń baspasóz hatshysy Aspandııar Esenjolov.
Dúbirli doda bıyl tórtinshi márte jalaýyn kóteredi.
Ony uıymdastyrýshylar qatarynda QR Týrızm jáne Sport mınıstrliginiń sport jáne dene shynyqtyrý isteri komıteti, Qazaqstan kúres túrleri federatsııasy jáne qalalyq sport basqarmasy bar.
Eske salsaq, Birikken kúres álemi (UWW) 2024 jyly Jazǵy Olımpıada oıyndarynyń baǵdarlamasyna engizilmegen salmaq dárejeleri boıynsha álem chempıonatyn ótkizedi.
