Astanada grek-rım kúresinen Borıs Kerimbaevty eske alýǵa arnalǵan týrnır ótip jatyr
ASTANA. KAZINFORM – Astanada grek-rım kúresinen Keńes áskeriniń Aýǵan jerinen shyǵarylǵanyna 35 jyl jáne qazaqtyń «qara maıory» atanǵan Borıs Kerimbaevty eske alýǵa arnalǵan týrnır ótip jatyr.
Astana qalalyq sport basqarmasy málim etkendeı, elorda irgesindegi «Aspan» sport kesheninde 2007-2008 jyly týǵan jasóspirimder arasynda alǵash ret respýblıkalyq báseke uıymdastyrylyp jatyr
Atalǵan dodaǵa elimizdiń 12 oblysynan kelgen 250-ge jýyq balýan synǵa túsýde. Atap aıtsaq,
Abaı, Aqmola, Atyraý, Jambyl, Jetisý, Qaraǵandy, Qyzylorda, Pavlodar, SQO, ShQO jáne Almaty men Astana qalasysynyń balýandary óara myqtyny anyqtaýda.
«Sizder úshin osyndaı týrnırler tájirıbe jınaýǵa keremet múmkindik bolyp otyr. Buıyrsa, sizder aldaǵy ýaqytta eresekter arasynda ótetin respýblıkalyq jarystarda baq synaıtyn bolasyzdar. Aýǵan soǵysynyń ardageri Borıs Kerimbaev sekildi sizder de elderińizdiń patrıoty bolyp, elin qorǵaıtyn batyr azamat bolatyndaryńyzǵa senemin. Osy sátti paıdalana otyryp, 2024 jyly Parıj Olımpıadasynda júldege talasatyn jerlesterimizge jeńis tileımin!» – dedi jarystyń ashylý saltanatyna arnaıy kelgen QR grek-rım, erkin, áıelder kúres federatsııasynyń prezıdenti Dáýlet Turlyhanov.
Uıymdastyrýshylardyń aıtýynsha, osy týrnır aldaǵy ýaqytta dástúrli túrde ótip, jyl kúntizbesine kirgiziletin bolady.
Aıta keteıik, jarysta 45, 48, 51, 55, 60, 65, 71, 80, 92, 110 keli salmaq boıynsha jeńimpazdar anyqtalady.
