Astanada grek-rım kúresinen 11 el sportshylary QR Prezıdentiniń Kýbogy úshin baq talastyrady
ASTANA. 14 qarasha. QazAqparat - 17-18 qarasha kúnderi Astanadaǵy «Dáýlet» sport kesheninde grek-rım kúresinen Qazaqstan Respýblıkasy Prezıdentiniń Kýbogy ІІІ halyqaralyq týrnıri ótedi.
Tuńǵysh ret bul jarys jeke esepte ótpek, biraq qalyptasqan dástúr boıynsha jeńimpaz ben júldegerler qomaqty aqshalaı syılyqqa ıe bolady.
І oryn - 5 000 AQSh dollary,
ІІ oryn - 3 000 AQSh dollary,
ІІІ oryn - qos júldegerdiń ár qaısysyna 1 500 AQSh dollarynan.
Bedeldi saıysqa Qazaqstan, Reseı, Iran, Úndistan, Grýzııa, Qytaı, Belarýs, Ońtústik Koreıa, Ózbekstan, Qyrǵyzstan, Tájikstan elderi qatysady. Kilem qojaıyndary úsh qurammen óner kórsetetin bolady.
16 qarasha kúni Qazaqstan kúres federatsııasynyń prezıdenti Serik Sultanǵalı, Qazaqstan kúres federatsııasynyń qurmetti prezıdenti Dáýlet Turlyhanov, QR sport jáne dene shynyqtyrý isteri agenttigi tóraǵasynyń orynbasary Elsııar Qanaǵatov, grek-rım kúresinen QR ulttyq quramasynyń bas bapkeri Muratbek Qasymhanov arnaıy uıymdastyrylatyn baspasóz máslıhatynda jýrnalısterdiń suraqtaryna jaýap beretin bolady.
