Astanada gıpnozshy-alaıaq izdestirilip jatyr
ASTANA. QazAqparat - Tanymal telejúrgizýshi Dınara Sátjan astanalyqtardy gıpnozdaý jolymen san soqtyryp júrgen alaıaqtan abaı bolýǵa shaqyrdy, dep habarlaıdy QazAqparat tilshisi.
«Dostar! Saq bolyńyzdar jáne bal ashyp beremin dep, keıin gıpnoz arqyly aqshańdy sypyryp ketetin alaıaqty tabýǵa kómektesińizder. Jasy shamamen 40-45 jastaǵy áıel adam. Denesi iri, boıy - 165-170 sm. Ulty syǵan bolýy múmkin. Ústine kók kúrte, etegi uzyn kóılek kıgen, shashy tússiz»,-dep jazdy ol Instagram paraqshasynda.
Astana ІІD qyzmetkerleriniń aıtýynsha, kúdiktige izdeý jarııalanǵan.
«Jedel-izdestirý sharalary qolǵa alyndy. Qala turǵyndaryn kúdiktini izdeýge atsalysyp, alaıaqtardan saq bolýǵa shaqyramyz»,-deıdi vedomstvonyń baspasóz qyzmeti.
