Astanada Geıdar Alıev kóshesi jabylady
ASTANA. QazAqparat - Geıdar Alıev kóshesiniń Toqpanov kóshesinen Táýelsizdik dańǵylyna deıingi bóliginde qozǵalys shekteledi, dep habarlaıdy QazAqparat tilshisi elordalyq ІІD baspasóz qyzmetine silteme jasap.
Kóshe 1-nen 2 mamyrǵa deıin apattyq-qalpyna keltirý jumystarynyń júrgizilýine baılanysty jabyq bolady.
«Qazirgi tańda «Astana Sý Arnasy» AQ Energetıkter shaǵyn aýdanyndaǵy káriz jelisin jóndeýge daıyndyqty bastady», - delingen habarlamada.
Osyǵan baılanysty polıtsııa elorda turǵyndary men qonaqtarynan abaı bolyp, óz baǵyttaryn aldyn ala josparlaýdy suraıdy.
