Astanada «geroın» saýdalaýshy ustaldy

ASTANA. QazAqparat - «Quqyqtyq tártip» jedel-aldyn alý is-sharasyn ótkizý barysynda Astana qalasy Polıtsııa departamenti Esirtki qylmysyna qarsy is-qımyl basqarmasynyń polıtseıleri «geroın» esirtki zatyn ótkizý arnasynyń qyzmetin toqtatty.

Bul týraly QazAqparat Polisia.kz saıtyna silteme jasap habarlaıdy.

Uly Dala kóshesinde jedel is-sharalar ótkizý kezinde buryn esirtki qylmysy úshin birneshe ret sottalǵan 47 jastaǵy qala turǵyny ustaldy. Kúdiktiniń turǵylyqty jerin tintý barysynda as úı tartpasynan aqshyl tústi túıirshikti konsıstentsııasy bar polıetılen paket jáne elektrondy tarazy tabyldy.

Zertteý qorytyndysyna sáıkes, tárkilengen zattar salmaǵy 88,89 gramm «geroın» esirtki zaty bolyp tabylady.

«Qazirgi ýaqytta sotqa deıingi tergeý amaldary júrgizilýde. Kúdikti qamaýǵa alyndy», - dep habarlaıdy PD Esirtki qylmysyna qarsy is-qımyl basǵarmasynyń bastyǵy, polıtsııa polkovnıgi Rýstam Gasızov.