Astanada Germanııamen ınvestıtsııalyq yntymaqtastyqty nyǵaıtý máseleleri talqylandy
ASTANA. QazAqparat - Astanada QR ınvestıtsııalar jáne damý vıtse-mınıstri Arystan Qabykenov Qazaqstandaǵy GFR Elshisi Rolf Mafaelmen kezdesti, dep habarlaıdy primeminister.kz.
Kezdesý barysynda saýda jáne ınvestıtsııalar salasyndaǵy yntymaqtastyqty odan ári damytý máseleleri talqylandy.
Vıtse-mınıstr A. Qabykenov Germanııa Qazaqstannyń strategııalyq áriptesteriniń jáne iri ınvestorlarynyń biri ekenin aıtty. Ol sondaı-aq eki el arasyndaǵy taýar aınalymnyń oń qarqynyn atap ótip, saýda-ekonomıkalyq baılanystardy odan ári nyǵaıtýǵa, ózara múddeli salalarda ekijaqty yntymaqtastyqty keńeıtýge nıet bildirdi.
Óz kezeginde Elshi R. Mafael Qazaqstanda ınvestıtsııalyq ahýaldyń jaqsarǵanyn jáne germandyq bıznes qaýymdastyq Qazaqstan ekonomıkasyna ınvestıtsııa salýdy ári qaraı jalǵastyratynyn aıtty.
Sonymen qatar, júzdesý aıasynda taraptar bıylǵy jyly Qazaqstan jáne Germanııa jerlerinde josparlanǵan iri is-sharalardy talqylady, jáne Saýda-ekonomıkalyq yntymaqtastyq boıynsha Úkimetaralyq jumys tobynyń 12-otyrysyn jáne bıznes-forýmdy ótkizýge kelisti.
Kezdesý sońynda taraptar órbigen suhbat úshin alǵys bildirip, Qazaqstan men Germanııa arasyndaǵy qarym-qatynasty odan ári damytýǵa múdde tanytatynyn aıtty.
