Astanada gepatıttiń aldyn alý aılyǵy ótip jatyr
ASTANA. 2 tamyz. QazAqparat - 28 shilde -28 tamyz aralyǵynda Astanada dástúrli jyl saıynǵy gepatıttiń aldyn alý aılyǵy ótedi.
Bıylǵy is-shara «Bul gepatıt. Bilip qoıyńyz. Odan saqtanyńyz» degen uranmen uıymdastyrylady. Bul týraly astana.kz saıtyna elordalyq Densaýlyq saqtaý basqarmasynan habarlady.
Aılyq barsha álemde 28 shildede atap ótiletin Dúnıejúzilik gepatıtke qarsy kúres kúnine oraılastyrylǵan.
«Dúnıejúzilik gepatıtke qarsy kúres kúnin atap ótý qoǵam men múddeli vedomstvolardyń nazaryn aldyn alý is-sharalaryn kúsheıtý, skrınıngtik tekserý, vırýstyq gepatıtpen jáne onymen baılanysty aýrýlarmen kúres sııaqty naqty is-qımyldarǵa aýdarýǵa múmkindik beredi»,- dep jazady vedomstvo.
Aılyq aıasynda Astanada halyq arasynda aqparattyq jumystar júrgizý, medıtsına qyzmetkerleri úshin oqytý semınarlaryn, trenıngter, gepatıtterdiń aldyn alý, anyqtaý jáne emdeý máseleleri boıynsha konsýltatsııalar berý maqsatynda «Ashyq esik» kúnderin ótkizý, adamdardy skrınıngtik zertteý josparlanǵan.
