Astanada geologııalyq zertteý ortalyǵy salynady
ASTANA. QazAqparat - Astanada bıyl geologııalyq zertteý ortalyǵy salynady. Ortalyqtyń qurylysy bıylǵy jyldyń sońyna qaraı bastalmaq. Bul týraly búgin baspasóz konferentsııasy barysynda QR Indýstrııa jáne jańa tehnologııalar vıtse-mınıstri Nurlan Saýranbaev habarlady.
Atalmysh ortalyq óz aldyna geologııalyq klaster retinde qalyptaspaq.
Vıtse-mınıstrdiń málimdeýinshe, Qazaqstanda geologııalyq klaster qurý qajettigi óte ózekti másele bolyp otyr.
«Ortalyqtyń qurylysy osy jyldyń aıaǵynda bastalady. 2016 jyly alǵashqy ǵımaratty paıdalanýǵa beremiz dep josparlap otyrmyz. Munda ǵylymı jumyspen aınalysýǵa bar jaǵdaı jasalady, ınjınırıngtik kompanııalar, ınvestorlar osy jerge shoǵyrlandyrylady. Bul geologııalyq klaster 400-500 jyl boıy elimizdiń ekonomıkasyn damytýǵa septigin tıgizýi kerek», - dedi vıtse-mınıstr Nurlan Saýranbaev.
Onyń aıtýynsha, ortalyq quramyna laboratorııalyq zertteý kesheni, tájirıbelik óndiristik alań, 10 myń sharshy metr aýmaqty alatyn jer jynystarynyń synamasyn (kern) saqtaıtyn qoıma, ǵylymı orta enetin bolady.
Geologııalyq zertteý ortalyǵyn salý úshin Nazarbaev ýnıvesıtetiniń qasynan 7 ga jer qarastyrylyp otyr.
