Astanada gaz jelilerine qosylý onlaın formatqa kóshti
ASTANA. KAZINFORM - Energetıka mınıstrligi otyn-energetıka keshenin tsıfrlandyrý boıynsha jumysty jalǵastyryp jatyr. Negizgi baǵyttardyń biri – gaz jelilerine qosylý rásimderin onlaın formatqa kóshirý, dep habarlaıdy QR Energetıka mınıstrliginiń baspasóz qyzmeti.
«QazaqGaz Aimaq» AQ tehnıkalyq sharttardy (TSh) alý qyzmetin tsıfrlyq formatqa kóshirdi. Búginde jyl saıyn túsetin 120 myń ótinimniń shamamen 80%-y, ıaǵnı 95 myńǵa jýyǵy onlaın rejımde óńdeledi.
«QazaqGaz Aimaq» AQ – tehnıkalyq sharttardy berý qyzmetin onlaın formatta usynatyn tabıǵı monopolııalar sýbektileriniń alǵashqysy. Halyq úshin bul múmkindik 2023 jyldan bastap eGov portaly men eGov Mobile qosymshasy arqyly qoljetimdi bolsa, 2025 jyldan bastap zańdy tulǵalarǵa da usynyldy.
Aǵymdaǵy jyldyń 1 shildesinen bastap jańa tutynýshylarǵa qolaıly bolý úshin tehnıkalyq sharttardy alý protsesi tolyqtaı onlaın formatqa kóshirildi.
Tehnıkalyq sharttar Qazaqstan Respýblıkasynyń zańnamasynda belgilengen merzimderde beriledi: tehnıkalyq jaǵynan kúrdeli emes nysandar úshin – 5 kún ishinde, tehnıkalyq jaǵynan kúrdeli nysandar úshin – 10 kún ishinde.
Kelesi kezeń – gaz taratý jelilerine tikeleı qosylý protsesin, onyń ishinde jelige qosý jáne gaz jiberý jumystaryn tsıfrlandyrý. «QazaqGaz Aimaq» AQ bul qyzmetterdi kelesi jyly avtomattandyryp, tsıfrlyq formatqa kóshirýdi josparlap otyr.
Qazirgi ýaqytta jelilerge qosylý qyzmeti Astana qalasynda pılottyq rejımde onlaın kórsetilýde. 2026 jyldyń sońyna deıin servısti Almaty qalasy men Atyraý oblysynda engizý josparlanýda. Budan keıin joba elimizdiń barlyq óńirlerine kezeń-kezeńimen júzege asatyn bolady.
Osyǵan deıin Astanada qansha abonent tabıǵı gazǵa qosylǵany týraly jazdyq.
