Astanada gaz stansasyndaǵy alapat órtte kúıip qalǵan 3 adamnyń jaǵdaıy aýyr

NUR-SULTAN. QazAqparat – Elordanyń qoǵamdyq densaýlyq saqtaý basqarmasy gaz toltyrý stansasyndaǵy iri órt saldarynan zardap shekkenderdiń jaı-kúıi jaıly aqparat berdi, dep habarlaıdy QazAqparat tilshisi.

Vedomstvo málimetinshe, órt kezinde 4 adam zardap shekken.

Olar №1 qalalyq kópbeıindi aýrýhanaǵa jetkizildi.

«1995 jyly dúnıege kelgen patsıentti ortasha aýyr deńgeıde termııalyq kúıik shalǵan. 1992 jyly dúnıege kelgen eki jáne 1969 jyly dúnıege kelgen taǵy bir patsıenttiń jaǵdaıy aýyr. Úsheýinde de - úshinshi dárejeli kúıik shogy. Patsıentterge qajetti búkil medıtsınalyq kómek kórsetilip jatyr», - dep atap ótti basqarmadan.

Buǵan deıin, 25 shilde kúni saǵat 22.05-te 101 pýltine Qobda kóshesi, 6 mekenjaıynda órt bolyp jatqany týraly habarlama túsken edi.

Oqıǵa ornyna jedel túrde Nur-Sultan qalasynyń TJD qutqarýshylary jiberilgen.