Astanada gaz ballony jarylyp, úsh adam zardap shekti
ASTANA.KAZINFORM – Oqıǵa Astana qalasynyń Baıqońyr aýdanynda Sh.Jıenqulova kóshesinde ornalasqan bazar aýmaǵyndaǵy eki qabatty ákimshilik ǵımaratta bolǵan. Aldyn ala málimet boıynsha kólemi 50 lıtrlik kompozıttik gaz ballonynyń germetıkalyǵy buzylýy saldarynan gaz-aýa qospasy jaryldy.
Oqıǵa ornyna TJM bólimsheleri jedel jetti. Barlaý barysynda qutqarýshylar úsh zardap shekken adamdy anyqtady.
Olardyń barlyǵy qajetti medıtsınalyq kómek kórsetý úshin aýrýhanaǵa jetkizildi.
Oqıǵa ǵımarattyń birinshi qabatynda ornalasqan tandyr samsa daıyndaıtyn bólmede bolǵan.
Jarylys saldarynan tóbe jabyndysynyń bir bóligi men esik oıyǵy opyryldy.
Oqıǵanyń mán-jaıy men sebebi anyqtalyp jatyr.
Aıta keteıik, «Tsentr plova Loft» kafesinde bolǵan jarylys 12 adamnyń ómirin qıdy.
