Astanada gaz aldymen qaı aýdanǵa tartylady
ASTANA. QazAqparat - "Saryarqa" gaz qubyrynyń birinshi bóligi (Qyzylorda - Jezqazǵan - Qaraǵandy - Temirtaý - Astana) aǵymdaǵy jyldyń sońynda aıaqtalady degen jospar bar. Alaıda oǵan deıin jergilikti ákimdikter gazdy taratý júılerin ázirleýi tıis. Sonda ǵana kógildir otyn tutynýshylarǵa taratylady, dep habarlaıdy QazAqparat tilshisi.
QR Energetıka vıtse-mınıstri Maǵzum Myrzaǵalıevtiń aıtýynsha, gaz qubyry Qyzylordanyń Qaraózek aýlynan bastaý alyp, aldymen Astanaǵa, sodan soń Kókshetaý men Petropavlǵa deıin tartylady. "Gaz qubyry 2019 jyldyń aıaǵyna deıin Astanaǵa jetedi. Al magıstarl bos turmaý úshin Qaraǵandy men Aqmola oblystary, sondaı-aq Astana ákimdikteri gazdy taratý jelilerin jobalaýdy tezdetýi kerek. Biz arnaıy jınalys ótkizdik. Osy saladaǵy jumystar bastalyp jatyr. Árıne, biraz ýaqyt qajet bolady. Degenmen, gaz magıstrali Astanaǵa jetkende alǵashqy taratý júıeleri daıyn bolady. Qala ákimi de ýáde berip otyr. Gaz aldymen jylý elektr stantsııasyna, odan keıin Ońtústik-Shyǵys shaǵyn aýdanyna tartylady. Osynyń arqasynda qalanyń ekologııasy da jaqsarady. Sebebi búginde jeke turǵyn úı sektory kómir jaǵyp otyr", - dedi M.Myrzaǵalıev Úkimet úıinde ótken baspasóz máslıxatynda.
Onyń aıtýynsha, gazdyń naqty baǵasy ázirshe belgisiz. Alaıda aldyn ala esepke sáıkes, bir tekshe metr gazdyń baǵasy 47-50 teńge bolady. "Degenmen, barlyǵy qurylysqa ketken aqshaǵa jáne berilgen qarjynyń merzimine baılanysty bolmaq", - dep atap kórsetti M.Myrzaǵalıev.
Aıta keteıik, "Saryarqa" gaz qubyrynyń qurylysy kezinde myńdaǵan jumys orny ashylady degen jospar bar.
2014 jyly Úkimet Qazaqstandy 2015-2030 jyldarǵa deıin gazdandyrýdyń bas shemasyn bekitti. Osy shemaǵa sáıkes gazdandyrý deńgeıin aǵymdaǵy 47%-ten 2030 jylǵa qaraı 56%-ke deıin jetkizý kózdelip otyr. Bul 3 mln adamdy nemese 1,6 myńnan astam eldi mekendi gazben qamtamasyz etýge múmkindik beredi.
