Astanada Ǵashyqtar saıabaǵynda «Balalyq shaqtyń ǵajaıyp álemi» merekesi ótýde

Oǵan 2000-nan astam bala qatysýda. Merekelik baǵdarlamany «Túrli-tústi arman» atty asfaltqa sýret salý baıqaýy ashty. Oǵan qatysqan elordalyq jas sýretshiler Astanany jarqyn boıaýlarmen tańǵajaıyp jaz qalasy retinde beıneledi.

 Іs-sharany «Astana shýaqtary» atty mektepke deıingi jastaǵy búldirshinderdiń shyǵarmashylyq festıvali jalǵastyrdy. Onda elordadaǵy balabaqashalrdyń úzdik óner ujymdary qatysty. Kishkentaı búldirshinder ózderiniń qyzyq qylyqtarymen, ádemi bılerimen kórermenderdi tánti qyldy. Eki baıqaýdyń jeńimpazdary dıplomdarmen jáne estelik syılyqtarymen marapattaldy. Osynda jeńiske jetken balalar respýblıkalyq baıqaýǵa qatysady.

 Sondaı-aq mereke qonaqtarynyń nazaryna «Balalyq shaq boıaýlarynyń palıtrasy» atty anımatsııalyq baǵdarlama usynylyp otyr. Onyń sońynda 500 jasóspirim bir mezette aspanǵa batpyraýyq, al kishkentaı balaqaılar áýe sharlaryn ushyrmaq.

  Merekege kelgen balalarǵa arnap «Báıterek» jáne «Sozvezdıe» bı ansamblderi, «ıÝnost Astany», «Djınsovye oblaka», «Juldyzdy saǵat», «Gúldáýren» estradalyq án stýdııalary, «Baldyrǵan» halyq tsırki men «Bolashaq» dombyrashylar ansambli sııaqty shyǵarmashylyq ujymdary kontserttik baǵdarlamaryn usyndy.