Astanada Ǵashyqtar kúnine oraı jastar aktsııasy ótti
ASTANA. QazAqparat - Astana qalasynyń jastar saıasaty máseleleri basqarmasynyń qoldaýymen «Qozy-Kórpesh - Baıan-Sulý» kúnine arnalǵan jastar aktsııasy ótkizildi, dep habarlaıdy Astana ákimdiginiń baspasóz qyzmeti.
Atalmysh jobanyń maqsaty jastar arasynda jańa qazaqstandyq patrotızmdi qalyptastyrý, rýhanı-tanymdyq qundylyqtardy túsindirý jáne nasıhattaý.
Sáýir aıynyń basynyn Instagram áleýmettik jelisinde jastar eń ádemi jupty jáne eń keremet mahabbat hıkaıasyn tańdady. Halyqtyń tańdaýy boıynsha, Astanamyzdyń eń ádemi juby - Aıjan jáne Alısher bolsa, eń keremet hıqaıany jazǵan Aqylbek pen Áıgerim bolyp shyqty.
Saltanatty túrde syılyq tabystaýǵa Qazaqstan Respýblıkasynyń Májilis depýtaty Narıne Mıkaelıan, Astana qalasy máslıhatynyń depýtaty Saıat Batpenov pen Astana qalasy jastar saıasaty máseleleri basqarmasynyń basshysy Ashat Oralov qatysty. Óz sózinde, basqarma basshysy osyndaı is-sharalardyń eń basty mańyzy otbasylyq jáne tanymdyq qundylyqtardy nasıhattaý ekendigin aıtyp ótti.
Osydan basqa, jas juptar úshin oıyn-saýyq oıyndary ótkizildi. Belsendi qatysqan juptarǵa jáne úzdik jaýap bergen astanalyqtar jáne qonaqtar Crossfit Astana zalynda jattyǵýyna eki abonement, «Vechnoe nebo» atty keremet dámhanada keshki as, jup bilezikter nemese osy jyldyń eń kútýli is sharasy «EXPO-2017» kórmesine bılet utyp aldy. Atap ótsek, atalmysh oıyndarǵa 46 jup qatysty.
Kesh aıaqtalýymen, «Mega Silk Way» SSO aýmaǵynda flesh-mob ótkizilip, qonaqtar arasynda Muqaǵalı Maqataev jáne Abaı tárizdi qazaq aqyndarynyń óleńderi jazylǵan mahabbat ashyq hattary taratyldy.
