Astanada gashısh satatyn arnanyń joly kesildi

ASTANA. QazAqparat - Elordalyq polıtseıler gashısh satýshyny ustady, dep habarlaıdy QazAqparat Polisia.kz saıtyna habarlama jasap.

Elordada «Qarasora» jedel aldyn alý is-sharasyn ótkizý barysynda esirtkini jetkizý jáne satýmen aınalysatyn arna joıyldy. Polıtseıler 45 jastaǵy qala turǵynyn esirtki zatyn satpaq bolǵan kezinde ustady.

Onyń turǵylyqty jeri boıynsha tintý júrgizý kezinde 15 polıetılendi oramaǵa salynǵan gashısh jáne aqshalaı qarajat tabyldy. Astananyń Esirtki qylmysyna qarsy is-qımyl basqarmasynyń bastyǵy Rýstam Gasızovtyń aıtýynsha, arnaıy operatsııa júrgizý kezinde 1 kelige jýyq gashısh tárkilengen.

Kúdikti kinásin moıyndady, ol PD ýaqytsha ustaý ızolıatoryna qamaldy. QR QK 297-babynyń 3-bóligi boıynsha (Asa iri mólsherde esirtki, psıhotroptyq zattardy zańsyz satyp alý, saqtaý, tasymaldaý nemese ótkizý) boıynsha sotqa deıingi tergep-tekserý amaldary júrgizilýde.

Elorda aýmaǵynda esirtki jetkizý jáne satýmen aınalysqan sybaılastaryn anyqtaý jumystary jalǵastyrylýda.

Photo: polisia.kz