Astanada «garmoshka» avtobýstar sanyn kóbeıtý kózdelip otyr
ASTANA. QazAqparat - Elorda ákimdigi qalaishilik qozǵalysty retteý úshin qosarlanǵan avtobýstardyń sanyn arttyrýdy josparlaýda. Bul týraly Ortalyq kommýnıkatsııalar qyzmetinde ótken baspasóz máslıhatynda Astana qalasynyń jolaýshylar kóligi basqarmasynyń basshysy Bekmyrza Igenberdınov málim etti, dep habarlaıdy «QazAqparat» HAA tilshisi.
«Kún saıyn ishi jolaýshyǵa 90%-ǵa tolǵan avtobýstar boıynsha taldaý júrgiziledi. Bizdiń maqsatymyz - avtobýstardaǵy jolaýshylardyń tolymdylyq kórsetkishin 70-80%-ǵa deıin azaıtý. Sebebi, bul baqylaýshylardyń jumysyn jeńildetedi ári jolaýshylarǵa da qaýipsiz. ıAǵnı, bul kórsetkishke jetsek, adamdar avtobýsta qysylyspaıdy. Bul jumysty biz júrgizip jatyrmyz», - deıdi Bekmyrza Igenberdınov.
Basqarma basshysynyń aıtýynsha, qala ishinde qosymsha ekspress avtobýstar engizilip, 10 jáne 12-shi avtobýstarǵa túsetin júk az da bolsyn jeńildetilgen.
«Bul baǵytta jumys jalǵasyn taýyp jatyr. Bıyl sonymen birge, jalpy avtobýs parkterin jańartý kózdelýde. Kún saıyn avtobýs parkteriniń jetekshilerimen osy jumys júzege asyrylyp jatyr. Ótken jyly 380 jańa avtobýs aldyq. Al bıyl taǵy qansha alýǵa bolatyny týraly bıýdjetti eseptep jatyrmyz. Qarjy qalalyq nemese respýblıkalyq bıýdjetten alynýy múmkin. Qandaı mólsherdegi qarajat týraly sóz qozǵalyp otyrǵanynan kóktemge jýyq habardar etemiz. Shynyn aıtqanda, kelesi kezeńde «garmoshkalarǵa» basa mańyz berý josparlanǵan», - deıdi Bekmyrza Igenberdınov.
