Astanada «Gamma» turǵyn úı kesheninen órt shyqty
ASTANA. KAZINFORM — Oqys oqıǵa elordanyń Nura aýdanyndaǵy Bekturov kóshesinde bolǵan, dep habarlaıdy TJM baspasóz qyzmeti.
Vedomstvo málimetinshe, kópqabatty úıdiń tórtinshi qabatyndaǵy páter órtke oranǵan.
— Osy sátte elordalyq qutqarýshylar Nura aýdany Bekturov kóshesinde ornalasqan on eki qabatty turǵyn úıdiń tórtinshi qabatyndaǵy páterdegi órtti sóndirip jatyr. Oqpandar engizildi, sýdyń úzdiksiz berilýi qamtamasyz etildi. Oqıǵanyń mán-jaıy anyqtalady, — delingen habarlamada.
TJM deregine sáıkes, 112-ge zardap shekkender týraly aqparat túspegen.
Budan buryn elordanyń Baıqońyr aýdanynda bir qabatty pavılon órtengenin jazǵan edik.
