Astanada ǵalym Álkeı Marǵulanǵa arnalǵan kórme ashylady
ASTANA. 4 sáýir. QazAqparat - Akademık, iri ǵalym Álkeı Marǵulannyń ómiri men shyǵarmashylyǵyna arnalǵan kórme 5 sáýir kúni elordada Táýelsizdik saraıynda ashylady. Bul týraly astana.kz saıty habarlady.Uıymdastyrýshylardyń aıtýynsha, kórme ótkizýdegi maqsat - óskeleń jas urpaqqa uly ǵalymnyń elimizdiń tarıhy men etnografııasy salasyndaǵy mol murasyn jetkizip, olarǵa rýhanı tárbıe berý bolyp tabylady.
Fılologııa ǵylymdarynyń doktory, professor, Qaz KSR ǴA akademıgi Álkeı Marǵulan asqan daryndy ǵalym bolýymen qatar, etnografııa, shyǵystaný, tarıh, ádebıettaný, óner salasynda aıanbaı eńbek etken tulǵa. Sonymen birge, Álkeı Marǵulan - qazaqstandyq arheologııa mektebiniń negizin salýshy bolyp sanalady.
2004 jyly Álkeı Marǵulannyń 100 jyldyq mereıtoıy ıÝNESKO deńgeıinde atalyp ótildi. 2005 jyly elordadaǵy №40 orta mektepke ǵalymnyń aty berildi. Al 2006 jyly osy mektepte onyń murajaıy ashyldy. Akademıktiń qyzy Danel Álkeıqyzy murajaıǵa ákesiniń birqatar jádigerlerin tapsyrǵan. Táýelsizdik saraıynda ótetin kórme materıaldary mektep murajaıynan alyndy, - deıdi uıymdastyrýshylar.
