Astanada Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń gastroli ótedi
TANA. 19 qyrkúıek. QazAqparat - 10-14 qazan aralyǵynda Almatydaǵy Ǵ.Músirepov atyndaǵy Qazaq memlekettik akademııalyq balalar men jasóspirimder teatrynyń Astana qalasynda K.Baıseıitova atyndaǵy Ulttyq opera jáne balet teatrynda gastroldik kúnderi ótedi.
Bul shara Qazaqstan Táýelsizdiginiń 20 jyldyǵyn merekeleý aıasynda uıymdastyrylǵaly otyr.
QR Mádenıet mınıstrligi baspasóz qyzmetiniń málimetine qaraǵanda, 5 kún boıy almatylyq ártister kórermender nazaryna 6 sahnalyq qoıylymyn usynatyn bolady. Olardyń beseýi-eresekterge arnalǵan. Atap aıtqanda, Ǵabıt Músirepovtiń «Qozy Kórpesh - Baıan sulý» (rej. Janat Hadjıev ) tragedııasy; Ermek Amanshaevtyń «Balkon» (rej. Saǵyzbaı Qarabalın) romantıkalyq ıllıýzııasy; Frıdrıh Shıllerdiń «Mahabbat pen ǵadaýat» (aýd. Talǵat Temenov, rej. Roman Vıktıýk) tragedııasy; Mar Baıdjıevtiń «Tunshyqqan sezim» (aýd. Raıymbek Seıtmetov, rej. Baltabaı Seıitmamytuly); Shyńǵys Aıtmatovtyń «Teńiz jaǵalaı júgirgen tarǵyl tóbet» (ınsts. jasaǵan jáne rej. Talǵat Temenov) spektakli jurtshylyq nazaryna usynylmaq.
Sonymen qatar, 11-14 qazan aralyǵynda kún saıyn saǵat: 12.00-de ótetin «Naýryz dýman» (avtory jáne rej. Murat Ahmanov) mýzykaly-tanymdyq balalarǵa arnalǵan ertegi qoıylymdaryn tartý etpek.
Keshki spektaklderdiń bastalýy 19:00-de, al balalarǵa arnalǵan «Naýryz dýman» qoıylymynyń bastalýy 12:00-de bolady.
