Astanada fýtzaldan «YELEU CUP» halyqaralyq týrnıri bastaldy
ASTANA. QazAqparat - Búgin «Astana» sport kesheninde fýtzaldan 17-shi Halyqaralyq «YELEU CUP» týrnıri bastaldy, dep habarlaıdy «SPORTINFORM» SAA.
Astana qalasynda áýesqoılar men kásibı toptar arasyndaǵy jarys 2002 jyldan beri ótip keledi. Uıymdastyrýshylardyń aıtýynsha, buǵan deıin jarysqa elordalyq komandalar ǵana qatysqan, biraq jyl saıyn týrnırge degen qyzyǵýshylyq artyp keledi jáne komandalardyń deńgeıi de ósken. Búgingi kúni «YELEU CUP» áýesqoılar arasynda syılyq qory 1 100 000 teńgeni quraıtyn eń joǵarǵy deńgeıli týrnırlerdiń birine aınaldy.
Bıylǵy jarysqa Astana, Almaty, Aqtóbe, Aqtaý, Kókshetaý, Pavlodar, Petropavl jáne Qazaqstannyń basqa óńirleriniń chempıondary men júldegerleri, sondaı-aq Reseı men Qyrǵyzstannyń joǵarǵy lıgasynyń komandalary qatysady. Týrnırde barlyǵy 15 komanda baq synamaq. Qazirgi chempıon - Aqtóbeden kelgen «Іnjý» komandasy.
Jeńimpaz komandany bıyl Pragada ótetin Fýtzal boıynsha Chempıondar lıgasynyń joldamasy kútip tur.
