Astanada fýtboldan Qazaqstan chempıondaryna qurmet kórsetti
ASTANA. QazAqparat - "Astana" fýtbol klýby maýsymdy Qazaqstan chempıondaryna qurmet kórsetýge arnalǵan saltanatty rásimmen qorytyndylady, dep habarlady astana.gov.kz.
Bul maýsymdy Stanımır Stoılovtyń qamqorlyǵyndaǵylar óz aktıvterine batyl túrde esepteýine bolady. Qazaqstan Premer-Lıgasynyń eki dúrkin chempıony bolǵan astanalyq klýbtyń fýtbolshylary óz oıyndaryna barlyq qazaqstandyq jankúıerlerdiń basyn biriktire otyryp, ÝEFA lıgasynyń toptyq kezeńinde de keremet nátıje kórsetti. Sondyqtan oıynshylar saltanatty keshte laıyqty quttyqtaýlardy qabyldady.
Saltanatty marapattaý rásimine QR Mádenıet jáne sport mınıstri Arystanbek Muhamedıuly, Astana qalasynyń Ákimi Ádilbek Jaqsybekov, "Samuryq-Qazyna" UÁQ"AQ basqarma tóraǵysy Ómirzaq Shókeev, Qazaqstan Fýtbol federatsııasynyń prezıdenti Erlan Qojaǵapanov, sondaı-aq olımpıada chempıondary, qoǵam qaıratkerleri jáne klýbtyń basqa da qonaqtary qatysty. Fýtbolshylarmen qýanyshty birge bólisýge búkil maýsym boıynda súıikti fýtbolshylaryna qoldaý kórsetken olardyń senimdi jankúıerleri de keldi.
"Astana" fýtbol klýbyn chempıon bolýymen quttyqtaı otyryp, qala ákimi Ádilbek Jaqsybekov búkil Qazaqstan fýtbolynyń damýyndaǵy oń ózgeristerdi atap ótti.
- Munyń bári - Elbasymyzdyń sportqa, fýtbolǵa qoldaý kórsetýge baǵyttap otyrǵan kúsh-jigeriniń, elimizde stadıondar, fýtbol alańdaryn, sporttyq nysandardy salý boıynsha únemi tynymsyz jumystyń júrip jatqanynyń arqasy. Ásirese, bul elordada anyq baıqalady. Astana búginde sport ortalyǵyna aınaldy, búkil jurt bizdiń sport nysandaryna tańdaı qaǵady, - dedi,- Astana ákimi,- bul jumys otandyq sportshylarymyzdyń bolashaqta ákeler jeńisteri retinde óz jemisin ákeledi, dep sózin jalǵady ol.
Qurmet kórsetý rásimi barysynda maýsymnyń eń úzdik oıynshylary anyqtaldy. "Úzdik qorǵaýshy" atalymynda Dmıtrıı Shomko jeńimpaz bolyp tanylsa, "Úzdik jartylaı qorǵaýshy" bolyp Rodjer Kanıas tanyldy. "Úzdik shabýylshy" atalymyn Tańat Nóserbaev ıelendi. «Altyn gol» atalymynda "Aqtóbe" komandasyna qarsy matchta jeńis dobyn soǵyp, "Astanany" maýsymnyń chempıony etken Djýnıor Kabananga erekshelendi. "Eń senimdi oıynshy" atalymyna komanda qaqpashysy Nenad Erıch ıe boldy, ol astanalyq komanda quramynda 2010 jyldan beri oınap keledi. , «Maýsymnyń úzdik oıynshysy» atalymy qurmet kórsetý rásiminde jankúıerlerdiń daýys berýi barysynda anyqtaldy. Eń kóp daýysty klýb demeýshileriniń jańa avtomobıliniń ıesi Foksı Ketevoama jınady. Alaıda "Astana" shabýylshysy fýtboldyń komandalyq oıyn ekenin, jeńis barlyq oıynshylarǵa tıesili ekenin ataı otyryp, ózine berilgen syılyqtan bas tartty.
"Astana" fýtbol klýbynyń qatarynan eki ret fýtboldan Qazaqstan chempıony atanǵanyn eske sala ketemiz. Alaıda komanda úshin maýsym áli aıaqtalǵan joq - astanalyq fýtbolshylar 25 qarashada ÝEFA Chempıondar lıgasynyń toptyq kezeńi aıasynda úıde -"Astana Arenada" portýgalııanyń «Benfıkı» komandasyna qarsy oınaıdy. Sonymen qatar 9 jeltoqsanda "Astana" FK túriktiń "Galatasaraı" komandasymen kóshpeli oıyn ótkizedi.
