Astanada fýtboldan álem chempıonatyn daladaǵy ekrannan tamashalaýǵa bolady
ASTANA. QazAqparat - «Qazmedıa ortalyǵy» teleradıokesheni Astana qalasynyń turǵyndary men qonaqtaryn 2018 jylǵy fýtboldan álem chempıonatynyń tegin kórsetilimine shaqyrady, dep habarlaıdy QazAqparat tilshisi.
Úshinshi oryn úshin ótetin matchty 14 shilde kúni saǵat keshki 20:00-de tamashalaýǵa bolady. Translıatsııany Nurjol býlvaryndaǵy dala ekranynan kórýge bolady. Fınaldyq match 15 shilde, saǵat 21:00-de «Qazmedıa holl» kınokontsert zalynda jáne Nurjol býlvary jaǵynda ornalasqan «Qazmedıa ortalyǵy» teleradıokesheniniń úlken ekranynan kórsetiledi.
«Oıynnyń fınalyn «Qazmedıa holl» kınokontsert zalynda kórem deýshilerge zaldyń esikteri 15 shilde kúni saǵat 20:00-de ashylatynyn habarlaımyz. Bos oryndar shekteýli bolǵandyqtan, qonaqtardan erterek kelip, oryndaryna jaıǵasýlaryn suraımyz», - deıdi uıymdastyrýshylar.
Kirý tegin.
Sharany uıymdastyrýshy-bas seriktes - «Olımp» býkmekerlik keńsesi.
Resmı habar taratýshy - Qazaqstan, Qazsport telearnalary.
Aqparattyq seriktes - «QazAqparat» HAA.
Shara Astana qalasy ákimdiginiń qoldaýymen ótedi.
«Qazmedıa ortalyǵy» teleradıokesheniniń mekenjaıy: Astana q., Qonaev kóshesi, 4.
