Astanada fýtbol matchyna baılanysty joldar jabylady
ASTANA. QazAqparat - 3 qarashada saǵat 22.00-de «Astana Arena» alańynda Astana (Qazaqstan) men Olımpıakos (Grekııa) arasyndaǵy halyqaralyq fýtbol matchy ótedi. Buúl týraly qala ákimdiginiń saıty habarlady.
Osyǵan oraı 3 qarasha saǵat 20.00-de Qabanbaı batyr jáne Turan dańǵylynyń Kereı-Jánibek handar kóshesinen Hýseın Ben Talal kóshesine deıin jol qozǵalysy toqtatylady. Tyıym salý is-shara aıaqtalǵanǵa deıin sozylady. Orynbor kóshesimen joldy aınalyp ótý usynylady.
Fýtbol matchy jankúıerlerin jınaý jáne jetkizý arnaıy reıstermen bes pýnktten kelesi meken-jaı boıynsha júrgiziledi:
1) «Qazaqstan» SK kólik turaǵynan (Qajymuqan kóshesi);
2) «Áziret Sultan» meshitinen (Qoshqarbaev dańǵyly);
3) «Nur Astana» meshitinen (shyǵys jaǵyndaǵy kólik turaǵy );
4) Astanalyq tsırktiń kólik turaǵynan (Qorǵaljyn tasjoly);
5) Muńaıtpasov atyndaǵy alań kólik turaǵynan (Kenesary kóshesi).
Astana qalalyq ІІD Jergilikti polıtsııa qyzmeti júrgizýshilerden jolda muqııat bolýyn jáne jurtshylyqtyń paıdasyna jeke jol kólikterinen bas tartýdy suraıdy. Astana qalalyq Halyqaralyq áýejaıyna jol júrýdi josparlaǵan azamattarǵa jáne jaqyn aýdandardaǵy turǵyndarǵa aldyn-ala balamaly jol qozǵalysyn josparlaýy qajet.
