Astanada fýtbol matchyna baılanysty 22 aqpanda jol qozǵalysyna ýaqytsha ózgeris engiziledi
ASTANA. KAZINFORM – Astanada aldaǵy senbi, ıaǵnı 22 aqpanda eki iri sporttyq is-shara ótedi: fýtboldan Qazaqstan Sýperkýbogy úshin match jáne «Barys» HK oıyny.
Osyǵan baılanysty joldarda keptelis joǵary bolady dep boljanyp otyr. Ákimdik osyǵan baılanysty qala turǵyndaryna yńǵaıly bolý úshin jol qozǵalysyna ýaqytsha ózgerister engiziletinin habarlady.
«Qaırat» pen «Aqtóbe» fýtbol matchy «Astana Arena» stadıonynda saǵat 15:00-de, «Barys» HK hokkeı matchy «Barys Arena» stadıonynda saǵat 17:00-de ótedi.
Kólik aǵynyn birkelki bólý úshin arenalarǵa kirý jáne shyǵý boıynsha jeke marshrýttar uıymdastyrylatyn bolady:
Fýtbol matchynyń kórermenderi úshin qozǵalys tek Qabanbaı batyr dańǵyly arqyly júzege asyrylady.
Hokkeı matchynyń jankúıerleri úshin tek Turan dańǵyly arqyly kirip, shyǵýǵa bolady.
Qozǵalys shekteýleri matchtar bastalǵanǵa deıin birneshe saǵat buryn engiziledi jáne olar aıaqtalǵanǵa deıin saqtalady. Júrgizýshiler qozǵalys baǵytyn aldyn ala josparlaýy kerek. Qolaısyzdyq bolmas úshin qoǵamdyq kólikke mingen.
- Astana qalasynyń ákimdigi elorda turǵyndary men qonaqtarynan ýaqytsha ózgeristerge túsinistikpen qaraýdy jáne qozǵalys baǵytyn aldyn ala josparlaýdy suraıdy, - delingen habarlamada.
«Qaırat» — «Aqtóbe» kezdesýi qaı telearnadan kórsetiletinin jazǵan bolatynbyz.