Astanada fýnktsıoner retinde qalyptastym - Serik Sápıev
"Astana eldiń júreginde erekshe oryn alady desem artyq aıtpaspyn. Bul jaqqa xalyq respýblıkanyń túkpir-túkpirinen kóship kelip jatady. Sondyqtan búginde Astana eldi biriktiretin, bir maqsatqa jumyldyratyn qalaǵa aınaldy. Men ózim osy jerge bes jyl buryn kóship kelgenmin. Sol ýaqyttyń ishinde sportshy retinde emes, fýnktsıoner retinde qalyptastym. Qazir depýtat degen jaýapty qyzmetti atqaryp júrmin. Bul jerde meniń sporttyq qabiletimdi emes, jeke qasıetterdi ashýǵa múmkindik týdy", - deıdi Májilis depýtaty Sápıev.
Halyq qalaýlysy shetelden kelgen qonaqtardyń Astanaǵa ylǵı tańqalyp júrgenin qalaıdy. "Qazirdiń ózinde EKSPO kórmesine kelip jatqan sheteldik týrısterdiń kózqarasyn baıqap, Qazaqstanǵa qatysty oń pikirlerin jıi estımiz. Uzaǵynan bolsyn! Árıne, ol úshin tynyshtyq pen beıbit ómir kerek. Astana sheteldiń qonaqtaryn ǵana emes, óz qazaǵymyzdy da qýanta bersin! Halyqaralyq saxnada mártebesi bıik bolǵaı!", - dep atap kórsetti chempıon.
