Astanada Frantsııanyń EKSPO kórmesindegi pavılonynyń tanystyrylymy ótedi
ASTANA. QazAqparat - Osy aptada elordada halyqaralyq deńgeıdegi birneshe shara ótedi. Bul týraly búgin Ortalyq kommýnıkatsııalar qyzmetinde ótken brıfıngte atalmysh uıymnyń resmı ókili Oksana Loskýtova málim etti, dep habarlaıdy QazAqparat.
Onyń aıtýynsha, 22 mamyr kúni QR Syrtqy ister mınıstrliginde Qazaqstan men BAÁ arasyndaǵy konsýldyq máseleler jónindegi birlesken komıssııanyń birinshi otyrysy ótedi. Sondaı-aq, búgin EKSPO-nyń medıa-ortalyǵynda Frantsııa pavılonynyń tanystyrylymy boıynsha baspasóz máslıhaty uıymdastyrylady.
22-31 mamyr aralyǵynda QR Densaýlyq saqtaý mınıstri Eljan Birtanov Jenevada ótetin Dúnıejúzilik densaýlyq saqtaý assambleıasynyń 70-sessııasyna qatysady. 24 mamyr kúni QR Ulttyq ekonomıka mınıstrligi Almatyda «QR Monopolııaǵa qarsy zańnamalarynda josparlanǵan ózgertýler jáne sońǵy qabyldaýlar» taqyrybynda dóńgelek ústel otyrysyn ótkizedi.
25 mamyrda Premer-Mınıstrdiń orynbasary, Aýyl sharýashylyǵy mınıstri Asqar Myrzahmetov Soltústik Qazaqstan oblysyna barady jáne bul kúni elimizdiń barlyq mektepterinde saltanatty túrde sońǵy qońyraýlar ótedi.
26 mamyr kúni QR Joǵary soty men Ádilet mınıstrliginde halyqaralyq keńestiń 2016 jáne 2017 jyldyń birinshi jartyjyldyǵyndaǵy atqarǵan jumystarynyń qorytyndysy talqylanatyn zań jobasy qyzmeti jónindegi vedosmtvoaralyq komıssııanyń úshinshi otyrysy ótedi. Dál osy kúni Máskeý qalasynda TMD elderi qorǵanys mınıstrleri keńesiniń otyrysy ótedi.
27 mamyrda QR ІІM ishki ister organdarynyń 25 jyldyǵy aıasynda QR ІІM QAJ Komıteti tóraǵasynyń Kýbogy úshin erler men áıelder arasynda qoıan-qoltyq urys boıynsha týrnır saltanatty túrde ashylady. Sondaı-aq, bul kúni elimizdiń barlyq áskerı bólimderinde 2017 jyly shaqyrylǵan jas áskerı qyzmetshiler saltanatty áskerı ant qabyldaıdy.
