Astanada FourE Kids otbasylyq festıvali ótedi
ASTANA. QazAqparat - Búgin jáne erteń Astanadaǵy «Araı» parkinde «Astana EKSPO-2017» UK» AQ bastamasymen uıymdastyrylǵan FourE Kids otbasylyq festıvali ótedi. Bul týraly astana.kz saıty jazady.
Festıvalǵa qatysýǵa elordalyq balalar men ata-analar shaqyrylady. Eresekter bilim berý, tárbıeleý jáne balalardy damytý taqyrybyndaǵy áńgime-semınarǵa qatysyp, «Ata-ana bolý óneri» kýrsyn tyńdaı alady. Óz kezeginde, balalar 30 sheberdiń jasaǵan buıymdaryn tamashalaıdy, onnan artyq elordalyq ortalyq oqytýshylary sheberlik synyptaryn ótkizedi.
Budan basqa, balalar shyǵarmashylyq ujymdary óner kórsetedi. Shara sońynda «Odno No» jáne «ELIZBAR» (Kelt Arfasy) toptarynyń qatysýymen etno-kontsert kópshilik nazaryna usynylady.
Festıval «Samuryq-Qazyna» UÁQ» AQ, Astana qalasy ákimdiginiń jáne "Posadiderevo.kz» RQB qoldaýymen ótedi. Ashylýy saǵat 13.00-de.
