Astanada Farıza Ońǵarsynovanyń «Taǵzym» atty jyr keshi ótedi
ASTANA. Qarashanyń 24-i. QazAqparat /Aıdyn Báımen/ - Qarashanyń 28-i kúni Astanadaǵy Beıbitshilik jáne kelisim saraıynda Qazaqstan Respýblıkasy Memlekettik syılyǵynyń ıegeri, qazaqtyń kórnekti aqyny Farıza Ońǵarsynovanyń «Taǵzym» atty jyr keshi ótedi,
dep habarlaıdy QazAqparat.
Aqynnyń mártebeli mereıtoıy qarsańyndaǵy bul mádenı shara Astana ákimdiginiń uıymdastyrýymen ótkeli tur.
Bul keshte Farıza aqynnyń qoǵam, shyndyq jáne bılik pen halyqtyń araqatysy, adaldyq pen adamgershilik qasıet, ákelerdiń asqaq rýhy, qyzdar men analardyń tunyq sezimi týraly óleńderi oqylady.
Jyr keshinde elimizdiń tanymal ánshileri aqynnyń óleńine jazylǵan ánderdi oryndaıdy.
