Astanada fantast-jazýshylar, fýtýrolog-ǵalymdar men IT-mamandar kreatıvti ult máselesin talqylady
ASTANA. 24 qarasha. QazAqparat - Astanada Qazaqstan men Reseıdiń fantast-jazýshylary, fýtýrologtary, geımdeveloperleri men IT-mamandary bolashaq kreatıvti ultty qalyptastyrýdyń joldaryn saralady.
"Kreatıvti ultty qalyptastyrýdyń joldary men tetikteri" atty halyqaralyq semınar-konferentsııa búgin Nazarbaev Ýnıversıtetinde ótti. Vırtýaldy oıyn keńistigi, kompıýterlik tehnologııalar, adamnyń oı-órisin damytatyn stımýlıatorlar men jattyǵý quraldary, bolashaq tehnologııalar - búgingi konferentsııanyń basty ózegi boldy. Bolashaqty boljaıtyn sarapshylar "Kompıýterlik oıyn tehnologııalary: halyqaralyq jáne qazaqstandyq tájirıbe", "Fantastıka jáne forsaıt", "Ujymdyq oı-zerdeniń tehnıkalary" atty úsh sektsııa boıynsha talqylaýlar ótkizýde.
QR Indýstrııa jáne jańa tehnologııa vıtse-mınıstri Qanysh Tóleýshın tehnologııalar men ınnovatsııanyń memleket ekonomıkasynyń damýyna áseri jaıly aıtyp berdi. Ol ınnovatsııalyq sheshimderdi oılap tabatyn qazaqstandyq novatorlardy qoldaýdyń memlekettik sharalaryna egjeı-tegjeıli toqtaldy.
Konferentsııanyń negizgi bóligi kompıýterlik oıyn baǵdarlamalaryn jasaýǵa arnalǵan. Ózderiniń baıandamalaryn "World of Tanks", "Kóshpendiler" jáne taǵy basqa oıyndardyń jasaýshylary jasady. Mysalǵa tanymal fantast, stsenarıst jáne ádebı redaktor Sergeı Chekmaev ǵalam keńistigin qalaı qurý kerektigin táptishtep berdi.
Konferentsııada "Baıqońyr-2011" qoǵamdyq syılyǵynyń jeńimpazdary men laýreattarynyń týyndylary - qazaqstandyq qazirgi zaman fantastıkalary engen antologııanyń tanystyrylymy ótti.
