Astanada ejelgi túrki halyqtary mýzykasyn oryndaýshylar bas qosady
ASTANA. QazAqparat - Elordanyń týǵan kúnin merekeleýge oraı «Astana-Arqaý» túrki mýzykasy festıvali ótedi.
4-6 shilde aralyǵynda ótetin biregeı shara barysynda ejelgi túrki halyqtary mýzykasynyń úzdik oryndaýshylary bas qosady. Baqsylyq óleńder, biregeı oryndaý sheberligi men joıylyp bara jatqan túrki tildes halyqtardyń ókilderiniń óneri - osynyń barlyǵy bıylǵy festıval qonaqtarynyń nazaryna usynylmaq.
1 shilde kúni saǵat 12:00 «Myńjyldyqtar toǵysyndaǵy Astana» etnoaýylynyń alańynda «Astana-Arqaý» festıvaliniń ashylýyna oraı baspasóz máslıhaty ótedi.
Bıyl atalmysh sharany ótkizýdiń erekshelikteri týraly festıval rejısseri Baǵdat Tilegenov, prodıýseri Asqar Omarov, «Myńjyldyqtar toǵysyndaǵy Astana» festıvaliniń rejısseri Vıacheslav Goncharov jáne «Nomad» atty kaskaderlik top jetekshisi Jaıdarbek Kúnǵojınov baıandap beredi.
