Astanada «EXPO-2017» alańyn jylýmen qamtamasyz etetin magıstral salynbaq
ASTANA. QazAqparat - 2015 jyly Astanada jalpy uzyndyǵy 21,5 shaqyrymdy quraıtyn jylý magıstrali salynady. Bul týraly Astana ákiminiń apparatynan habarlady, dep jazady elorda ákimdiginiń resmı saıtynda.
«2015 jyly jalpy uzyndyǵy 21,5 shaqyrym besinshi jylý magıstralin salýǵa kirisemiz. Ol qalanyń soltústik-batysyn, ońtústik-batysyn, sondaı-aq «EXPO-2017» alańyn jylýmen qamtamasyz etýge múmkindik beredi. Jalpy, 2017 jylǵa deıin 80 shaqyrym magıstraldi jeli salynady, - delingen qala basshysynyń habarlamasynda.
2013-2014 jyldar aralyǵynda jalpy uzyndyǵy 18 shaqyrymdyq magıstraldi jylý qubyrlary qaıta jóndelip jatyr. Nátıjesinde olardyń ótkizý múmkindigi 859-dan 1788 Gkalǵa deıin artyp, tozýshylyq dárejesi 15%-ǵa azaıady. Sondaı-aq bul ortalyqtandyrylǵan jylý júıesine qosylatyn tutynýshylar sanyn arttyrmaq.
Qubyrlardyń jer astymen júrgizilýi de qala kósheleriniń kórkine jınaqylyq beredi. Sonymen qatar, TM-7, TM-2, TM-18 jylý magıstraldaryn qalpyna keltirý josparlanyp otyr.
