Astanada Eýropalyq fılmder festıvali ótedi
KINOPARK 8 Saryarqa kınoteatrynda ótetin sharanyń baǵdarlamasyna Eýroodaq memleketteriniń rejısserleri túsirgen 9 úzdik fılm engen. Olar bedeldi halyqaralyq kınofestıvalderdiń jeńimpazdary men nomınanttary bolyp tabylady, kópshiligi birlesken týyndylar.
Msaly, festıvaldi ashatyn «Molenbık qudaılary» fılmi – Fınlıandııa, Belgııa, Germanııanyń týyndysy – názik álemnen mán izdeıdi, balalyq pen senim kúshi týraly baıandaıdy. Bıyl Qazaqstanda balalar jyly dep jarııalanýyna baılanysty is-shara osy týyndymen ashylmaq.
4 qarashada saǵat 19.00-de festıvaldi Eýroodaqtyń Qazaqstandaǵy Elshisi Kesttýtıs ıAnkaýskas pen Belgııanyń Qazaqstandaǵy Elshisi Anrı Vantıgem ashady. Shara basyrysndaǵy fılmderdiń deni adamdar, olardyń kúndelikti ýaıymdary, oılary, armandary, oryndalmaǵan úmitteri jáne álemdik tártiptiń zańdylyqtary týraly.
7 qarashada Gretsııa, Frantsııa, Serbııa shyǵarǵan «Onyń jumysy» («Her Job») fılmi kórsetiledi, Panaıota kartınasynyń keıipkeri otbasymen tynysh ómir súredi, kúndelikti ómirdiń tártibine baǵynady, qıyn qarjylyq jaǵdaımen kúresedi, armandaıdy. Onda ómirin ózgertýge kúsh tabatyn áıelderdiń ujymdyq beınesi de bar. Fılm qıyn ómirlik jaǵdaıǵa tap bolǵan áıel máselesin qozǵaıtyndyqtan, ol osy aıda ótetin genderlik zorlyq-zombylyqqa qarsy 16 kúndik belsendilikke oraılastyrylǵan. Fılm sońy genderlik zorlyq-zombylyqqa qatysty taqyryptardy talqylaýǵa ulasady. Bul pikirtalasqa osy fılmniń rejısseri Nıkos Labot da onlaın rejımde qatysady.
Foto: phonoteka.org
