Astanada Eýrazııalyq turaqtandyrý jáne damý qorynyń shtab-páteri ashyldy
ACTANA. KAZINFORM – Elordada Eýrazııalyq turaqtandyrý jáne damý qorynyń shtab-páteri ashylyp, saltanatty rásimge QR Premer-mınıstriniń orynbasary – Ulttyq ekonomıka mınıstri Serik Jumanǵarın men RF Úkimeti tóraǵasynyń orynbasary Alekseı Overchýk qatysty. Bul týraly Qarjy mınıstrligi habarlady.
Jańa nysannyń lentasyn QR Qarjy mınıstri Mádı Takıev pen Eýrazııalyq turaqtandyrý jáne damý qorynyń basqarýshy dırektory Andreı Shırokov qıyp, osylaısha jańa shtabtyń jumysy resmı túrde bastaldy.
Atalǵan shtab-páter Eýrazııa aımaǵyndaǵy qarjylyq turaqtandyrý men damýdyń negizgi platformasy retinde qordyń áleýetin nyǵaıtyp, onyń ortalyq operatsııalyq-taldaý ortalyǵyna aınalady.
Іs-sharanyń aıasynda ETDQ qyzmeti jóninde, onyń basym baǵyttary jáne aldaǵy kezeńge arnalǵan josparlary týraly prezentatsııa tanystyryldy. Ashylý saltanatyna qorǵa múshe elderdiń, sondaı-aq QR memlekettik organdarynyń ókilderi qatysty.
Aıta keteıik, Eýrazııalyq turaqtandyrý jáne damý qory 2009 jyly múshe-memleketterdiń ekonomıkalyq jáne qarjy turaqtylyǵyn ilgeriletýge baǵyttalǵan aımaqtyq qarjy tetigi retinde quryldy. Oǵan Qazaqstannan basqa Armenııa, Belarýs, Qyrǵyzstan, Tájikstan jáne Reseı kirdi.