Astanada Eýrazııa halyqtarynyń tarıhyna arnalǵan halyqaralyq forým ótedi
ASTANA. 9 qazan. QazAqparat - Aldaǵy juma, 11 qazanda Lev Gýmılev atyndaǵy Eýrazııa ulttyq ýnıversıtetinde «Eýrazııa etnostary men mádenıetteri: ótkeni men búgini» atty H Eýrazııalyq halyqaralyq ǵylymı forým ótedi.
Forým barysynda Eýrazııa halyqtarynyń tarıhı baılanystary jan-jaqty zerdelenip, olardyń ózara birigý ıdeıasy qaralady. Osy oraıda kórnekti ǵalym, túrkolog Lev Gýmılevtiń ómiri men shyǵarmashylyǵy talqyǵa salynady. Ǵylymı májilis tarıhtyń ózekti máselelerine arnalǵan bes sektsııa boıynsha ótpek. Onda bolatyn pikirtalastarǵa Qazaqstan, Germanııa jáne TMD elderiniń beldi ǵalymdary qatysady.
