Astanada «Eýrazııa» birinshi telearnasynyń qyzmetkeri qaza tapqan jol apatyna sebepker bolǵan júrgizýshi ustaldy
ASTANA. QazAqparat - Astanada «Eýrazııa» birinshi telearnasynyń qyzmetkeri Anatolıı Parfenov kóz jumǵan jol apatyna sebepker bolǵan júrgizýshi ustaldy, dep habarlaıdy elordalyq ІІD-iniń baspasóz qyzmetinen.
«Elordalyq polıtsııa qyzmetkerlerimen 23 shilde kúni shamamen saǵat 01.00-de Qaraǵandy tas joly boıyndaǵy janar-jaǵarmaı stansasynda qarama-qarsy jaqta oryn alǵan jol-kólik oqıǵasy boınysha QR QK-niń 345-babyna (abaısyzda kisi ólimine ákelgen jol qozǵalysy erejesin buzý) sáıkes sotaldy tergeý júrgizilýde, qajetti saraptamalar taǵaıyndaldy», delingen habarlama.
Eske sala keteıik, «Honda Pilot» markaly kóliginiń 21 jastaǵy júrgizýshisi «Honda» markaly mototsıklmen soqtyǵysyp, saldarynan mototsıkl kóliginiń júrgizýshisi, 1987 jyly týǵan A.Parfenov alǵan jaraqattarynan aýrýhanada kóz jumdy. Budan buryn habarlaǵanymyzdaı , elordada túngi ýaqytta oryn alǵan jol apatynan «Eýrazııa» birinshi arnasy telearnasynyń aparattyq-stýdııalyq blogynyń basshysy Anatolıı Parfenov qaza tapty. «Honda Pilot» kóliginiń júrgizýshisi QR QPK-niń 128-baby boınysha Astana qalasy ІІd-niń ýaqytsha ustaý oqshaýlaǵyshyna qamaldy.
