Astanada EýrAzEQ-tyń Integratsııalyq komıteti janyndaǵy Densaýlyq saqtaý jónindegi keńesiniń 10-shy mereıtoılyq otyrysy bolyp ótti

Jıynǵa Tájikstan Respýblıkasynyń Densaýlyq saqtaý mınıstri Salımov Nýsratýllo tóraǵalyq etti, dep habarlady QR Densaýlyq saqtaý mınıstrliginiń baspasóz qyzmeti.

Keńeske qatysýshylar men qonaqtarǵa arnap Qazaqstan Respýblıkasynyń Densaýlyq saqtaý mınıstri Salıdat Qaıyrbekova jáne EýrAzEQ-qa múshe elder delegatsııalarynyń jetekshileri sóz sóıledi.

Otyrys barysynda Keńes músheleri halyqtyń densaýlyǵyn saqtaý salasyndaǵy kópjaqty yntymaqtastyqty damytýǵa, kelisim-quqyqtyq baza aıasyn keńeıtýge jáne ózara yntymaqtastyqtyń ózge de basymdy baǵyttaryna qatysty birqatar mańyzdy máselelerdi talqylady.

EýrAzEQ-qa múshe elderdiń ókilderi buǵan deıin qol jetkizilgen kelisimderdiń júzege asyrylý barysy, densaýlyq saqtaý salasynyń aǵymdaǵy jaǵdaıy men jetistikteri týraly aqparat almasty.

Atap aıtqanda, 2011-2013 jyldarǵa arnalǵan EýrAzEQ-ty damytýdyń basymdy baǵyttaryn talqylaýdyń joǵary deńgeıin, sondaı-aq uıymǵa múshe elderdiń kelisilgen áleýmettik saıasatynyń Tujyrymdamasyn júzege asyrý jónindegi birinshi kezektegi is-sharalar josparyn jáne ózgelerdi atap kórsetýge bolady.

EýrAzEQ múshe memleketter ókilderi, jumys toptarynyń belsendi qatysýshylary tıimdi jumysy úshin Eýrazııalyq ekonomıkalyq qoǵamdyqtyń Integratsııalyq komıteti janyndaǵy Densaýlyq saqtaý jónindegi keńesiniń Qurmet gramotalarymen marapattaldy.

QR Densaýlyq saqtaý mınıstri Salıdat Qaıyrbekova temeki shegýdiń zııany týraly keskindemelik eskertýlerdi temeki qoraptarynyń betiniń sol jaq tusyna 50% kóleminde mindetti túrde ornalastyrýǵa qatysty sońǵy nusqany bekitý jóninde bastama aıtty. Jáne EýrAzEQ janynan densaýlyq saqtaý salasyn aqparattandyrý jáne telemedıtsına jóninde jumys tobyn qurý týraly usynys bildirdi.

Otyrystyń qorytyndysy boıynsha Keńes músheleri jemisti jáne syndarly yntymaqtastyqty ári qaraı damytýǵa múddelilik tanytty.