Astanada etnoúlgidegi kıimderdiń halyqaralyq marafony ótedi
ASTANA. QazAqparat - Astanada II Halyqaralyq etnıkalyq sán marafony ótedi, dep habarlaıdy QazAqparat elorda ákimdigine silteme jasap.
Shara uıymdastyrýshysy - Astana qalalyq Qazaqstan halqy Assambleıasynyń málimetinshe, marafon maqsaty - etnoúlgi baǵytynda jumys isteıtin dızaınerlerdiń basyn biriktirý.
II Halyqaralyq etnıkalyq sán marafonyna jas dızaınerler, qurylymdaýshy-sánger mamandyǵy boıynsha bilim alyp jatqan joǵary jáne kásibı tehnıkalyq oqý oryndaryndaǵy stýdentter, etnomádenı birlestikter men bıznes ókilderi, sondaı-aq kez kelgen qyzyǵýshylyq tanytqan azamattar qatysa alady.
Sándik marafon aıasynda biregeı qolóner buıymdarynyń kórmesi men qolónershilerdiń sheberlik sabaqtary ótkiziledi.
Atap ótilgendeı, ulttyq kıimder kórsetilimi eki topqa bólingen: kúndelikti jáne sahnalyq. Dızaınerlerge óz týyndylaryn tanystyrýǵa 10 mınýt beriledi.
Marafon jeńimpazdary baǵaly júldelermen jáne dıplomdarmen marapattalady.
