Astanada etnosaralyq tatýlyq týraly ǵylymı konferentsııa ótti
ASTANA. 23 qazan. QazAqparat - Búgin L.N.Gýmılev atyndaǵy Eýrazııa Ulttyq ýnıversıtetinde «Etnosaralyq kelisimniń qazaqstandyq úlgisi: qazirgi jaǵdaıy men bolashaǵy» atty ǵylymı-tájirıbelik konferentsııa boldy.
Shara Qazaqstandaǵy rýhanı kelisim kúnine oraılastyrylǵan. Oǵan ýnıversıtet ǵalymdary, memlekettik qyzmetkerler, úkimettik emes uıymdar ókilderi, Qazaqstan halqy Assambleıasy músheleri men stýdentter qatysty.
«Qazaqstan táýelsizdigin alǵan kezde álem elderi munda azamattyq soǵys bolady dep kútken bolatyn. Sebebi Keńes odaǵy kezinde bizdiń elimiz ulttar zerthanasyna aınaldy. Jergilikti ulttyń úles salmaǵy basqa ulttardan az boldy. Sondyqtan da Elbasymyz Nursultan Nazarbaev etnosaralyq tatýlyqty eń birinshi orynǵa qoıyp keledi. Elimizdegi tynyshtyq pen tatýlyqtyń arqasynda ekonomıkamyz da qarqyndy damyp, álem elderimen terezemizdi teńestirdik», - dedi konferentsııanyń ashylý saltanatynda sóz sóılegen Jýrnalıstıka jáne saıasattaný fakýltetiniń dekany Qaırat Saq.
Sharany atalmysh JOO-men birge Astana qalalyq Іshki saıasat departamenti jáne Astana qalasynyń azamattyq alıansy birigip uıymdastyryp otyr.
Konferentsııa qorytyndysy boıynsha etnosaralyq tatýlyqty saqtaý jáne damytý taqyrybynda oqylǵan baıandamalar bir jınaq bolyp basylyp, kópshilik qaýymnyń nazaryna usynylady.
