Astanada etnıkalyq nemister máseleleri boıynsha Úkimetaralyq komıssııasynyń otyrysy ótti
ASTANA. QazAqparat - 11 shildede Astanada Qazaqstan Respýblıkasy Syrtqy ister mınıstriniń orynbasary Roman Vasılenkonyń jáne Qonys aýdarǵandar men az ulttar isteri jónindegi Federaldyq úkimettiń ýákili, GFR Býndestag depýtaty Hartmýt Koshıktiń tóraǵalyǵymen Qazaqstanda turaqtanǵan etnıkalyq nemister máseleleri boıynsha Úkimetaralyq komıssııasynyń 15-shi mereıli otyrysy ótti.
Bul týraly QR SІM baspasóz qyzmeti habarlady.
Óziniń alǵy sózinde qazaqstandyq dıplomat Astanada Qazaqstanda turatyn etnıkalyq nemister máselesi boıynsha elderimiz arasyndaǵy ekijaqty yntymaqtastyqqa zor mańyz beriletinin atap ótti. Bul bizdiń ózara is-qımylymyzdyń mańyzdy faktory boldy jáne bolyp qala berýde. Onyń aıtýynsha, 1990-shy jyldary quralǵan Komıssııanyń jumysy sátti bolyp, qazaqstandyq nemisterdiń jaǵdaıyna qatysty ótkir máselelerdi sheship keldi jáne qazirgi ýaqytta da óz mıssııasyn jemisti túrde júzege asyrýdy jalǵastyryp otyr.
R.Vasılenko búgingi otyrys erekshe kezeńde - Qazaqstan men Germanııanyń arasynda dıplomatııalyq qatynastardyń ornaǵanyna 25 jyl tolǵan jyly jáne Germanııanyń Federaldyq Prezıdenti Frank-Valter Shtaınmaıerdiń EKSPO-2017 aıasynda Germanııanyń Ulttyq kúnine qatysý úshin Astanaǵa saparynyń qarsańynda ótip jatqanyna toqtaldy.
Óz kezeginde H.Koshık nemis dıasporasyna kórsetilip jatqan qoldaý úshin Qazaqstan úkimetine alǵysyn bildirdi, sondaı-aq Germanııanyń Qazaqstanda turatyn etnıkalyq nemister jáne buryndary respýblıkadan kóship ketip, Germanııada turyp jatqan nemister arasyndaǵy baılanystardy nyǵaıtý jáne saqtap qalýǵa múddeli ekenin atap ótti.
Otyrys barysynda qatysýshylar QR men GFR memlekettik organdarynyń, «Vozrojdenıe» Qazaqstannyń qoǵamdyq nemister qaýymdastyǵynyń (QQNQ) 2016-2017 jj. Qazaqstannyń etnıkalyq nemisterin qoldaý boıynsha sharalardy iske asyrý týraly esepterin tyńdady. «Vozrojdenıe» QQNQ-nyń Qazaqstannyń jas nemisterin jáne QR bilim berý júıesinde nemis tilin taratý boıynsha Jumys tobynyń qyzmetin qoldaý sharalaryna jeke kóńil aýdaryldy.
Іs-sharanyń qorytyndysy boıynsha Komıssııanyń teń tóraǵalary Kommıýnıkege qol qoıdy. Atalǵan qujatta otyrystyń qorytyndylary kórsetildi jáne birlesken jumystyń odan arǵy josparlary aıqyndaldy.
Komıssııany ótkizý qarsańynda germandyq delegatsııa Pavlodar qalasynda bolyp, «Vozrojdenıe» QQNQ oblystyq ókildigine bardy jáne onda nemis qaýymymen kezdesý ótkizdi.
Aıta ketsek, 9-13 shilde aralyǵynda Astanada «Qazaqstan-Germanııa aptalyǵy» ótip jatyr. Onyń sheńberinde QR-da turatyn Etnıkalyq nemister máseleleri boıynsha Úkimetaralyq komıssııadan basqa 10-11 shildede sonymen qatar Berlın Eýrazııalyq Klýbynyń jáne Strategııalyq jáne ekonomıkalyq yntymaqtastyq jónindegi Іskerlik keńestiń kezekti otyrystary ótti.
12 shildede F.-V.Shtaınmaıerdiń resmı sapary jáne EKSPO-2017 aıasynda Germanııanyń Ulttyq pavılonynyń ashylý saltanaty, 12-13 shildede «Germanııa energetıkalyq dıalogy» atty ekonomıkalyq forýmy, al 13 shildede Saýda-ekonomıkalyq yntymaqtastyq jónindegi Úkimetaralyq Jumys tobynyń kezekti otyrysy ótedi.
