Astanada estrada juldyzdarynyń qatysýymen til bilimin arttyrýǵa arnalǵan ınteraktıvti shoý ótedi
ASTANA. 7 maýsym. QazAqparat - Astananyń 15 jyldyq mereıtoıyna oraı elordalyq Tilderdi damytý basqarmasynyń uıytqy bolýymen búgin keshke «Jastar» saraıynda «Armysyń, mártebeli til!» atty ınteraktıvti shoý ótedi,
dep habarlandy Astana qalasynyń resmı saıtynda.
Basqarmanyń baspasóz qyzmetinen atap ótkendeı, is-shara memlekettik tilimizdiń mártebesin arttyrýdy kózdeıdi. Keshtiń kóńildi ári qyzyqty ótýine jınalǵan aýdıtorııa da atsalysatyn bolady. Kórermender arnaıy shaqyrtylǵan juldyzdarmen baıqaýlarǵa qatysady, qazaq halqynyń ulttyq salt-dástúrleri men maqal-mátelderin meńgere otyryp, óz bilimderin jetildire alady.
Uıymdastyrýshylardyń aıtýy boıynsha, belsendi qatysýshylar baǵaly syılyqtarmen marapattalady. Sonymen qatar, sharaǵa Dosymjan Tańatarov, Ibragım Eskendir, Aıgúl Elshibaeva, Medet Shaıkelov syndy qazaq estradasynyń juldyzdary qatysady dep kútilýde.
Keshtiń qurmetti qonaqtary London Olımpıadasynyń altyn medal ıegeri Serik Sápıev pen QR Parlamentiniń depýtattary.
