Astanada Estonııa ulttyq mýzeıi qorynan ákelingen qolǵap kórmesi ashyldy
ASTANA. KAZINFORM – Qazaqstan Ulttyq mýzeıinde Eston ulttyq mýzeıiniń «Qolmen órilgen qolǵap syry» kórmesi ashyldy. Ekspozıtsııada orta ǵasyrdan búginge deıingi eston qolǵaptary usynylyp, olardyń ár órnegi men túsi mádenı tarıhty kórsetti.
Kórmeniń ashylý saltanatyna Estonııa Prezıdenti Alar Karıs, Estonııanyń Birinshi hanymy Sıre Karıs, QR Mádenıet jáne aqparat mınıstri Aıda Balaeva, dıplomatııalyq korpýs ókilderi, otandyq jáne estondyq ádebıet pen óner qaıratkerleri jáne basqa da resmı tulǵalar qatysty.
– Ár qolǵaptyń ishinde – bir adamnyń tarıhy bar. Qolǵap tek qolymyzdy jylytpaıdy, mádenıetimiz ben dástúrimizdi jetkizedi, – dedi Estonııa Prezıdenti quttyqtaý sózinde.
Ol qolǵaptardyń tek qoldy jylytý úshin ǵana emes, mádenı mańyzy bar ekenin aıtty.
– Qolmen órilgen qolǵap syry – tek qolóner ǵana emes, eki el halqyna tán jyly qarym-qatynasty bildiredi, – dedi Mádenıet jáne aqparat mınıstri Aıda Balaeva.
Mınıstrdiń aıtýynsha, qazaqstandyq jáne estondyq óner ókilderi – Almagúl Menlıbaeva, Tonıs Vınt jáne ıAnýs Samma – shyǵarmashylyǵynda shyǵys dástúr men modernızmnen shabyt alǵan. Olar oıý órnekter men vızýaldy sımvoldardy zertteıdi. Mınıstrdiń sózinshe, bul eki eldiń ártúrli kórkem tilder arqyly sımvolıka men keńistikti qalaı beıneleıtinin kórermenderge túsinýge múmkindik beredi.
Kórmede orta ǵasyrdan búgingi kúnge deıingi eston qolǵaptary usynylǵan. Ár buıymdaǵy órnek pen tús óz dáýiri men aımaq ereksheligin kórsetedi. Ekspozıtsııa Eston ulttyq mýzeıiniń túpnusqa kollektsııalaryna súıene otyryp, Tartý ýnıversıtetiniń Vılıandı mádenıet akademııasymen jasalǵan kóshirmelerden turady.
Kórme buǵan deıin Vengrııa, Nıderland, Frantsııa, Belgııa, Bolgarııa, Grekııa jáne Estonııa elderinde kórsetilgen. Joba aıasynda qatysýshylar dástúrli oıý-órnekti zerttep, shyǵarmashylyq turǵydan ınterpretatsııa jasaýǵa múmkindik alady.
Aıta keteıik, buǵan deıin Qazaqstan Respýblıkasynyń Ulttyq akademııalyq kitaphanasynda Eston ádebıetiniń buryshy ashylǵan bolatyn.