Astanada esirtki jarnamasyn taratqan áıel sottaldy
ASTANA. KAZINFORM – Astanada 28 jastaǵy áıel esirtki quraldary men psıhotroptyq zattardy, olardyń analogtary men prekýrsorlaryn jarnamalaýmen aınalysqan.
Bas prokýratýra málimetinshe, ol qaladaǵy kópshilik paıdalanatyn oryndarǵa: kóshe baǵandaryna, jol belgilerine, syrtqy kondıtsıonerlerge, kireberis esikterine, shlagbaýmdarǵa jáne basqa da kózge kórinetin jerlerge QR-kody bar stıkerlerdi japsyrǵan. Fotosalonnan tyıym salynǵan zattar satylatyn ınternet-platformaǵa aparatyn árqaısysynda 4 QR-kod jasyrylǵan 116 stıker basyp shyǵarǵan.
Atalǵan zańsyz áreketterdi polıtsııa qyzmetkerleri qala boıynsha ornalastyrylǵan beınebaqylaý kameralary arqyly anyqtaldy.
Memlekettik aıyptaýshy sotqa onyń kinásin dáleldeıtin jetkilikti aıǵaqtar usyndy.
Sot úkimimen oǵan 3 jyl merzimge bas bostandyǵynan aıyrý jazasy taǵaıyndaldy.
Úkim zańdy kúshine endi.
Qala prokýratýrasy esirtki quraldaryn, psıhotroptyq zattardy nemese sol tektesterdi, prekýrsorlardy nasıhattaý nemese zańsyz jarnamalaý múlki tárkilenip, alty jylǵa deıingi merzimge bas bostandyǵynan aıyrý túrindegi qylmystyq jaýapkershilikke ákep soǵatynyn eskertti.
Aıta keteıik, Atyraýda esirtki ósirýge arnalǵan fıtozerthana anyqtaldy.