Astanada esirtkimen áıel ustaldy
ASTANA. QazAqparat - Astana qalasynyń turǵynynan 110 gramm geroın tárkilendi. Bul týraly Astana qalalyq ІІD baspasóz qyzmeti habarlap otyr.
Vedomstvonyń málimetinshe, «Astana esirtkisiz qala» aktsııasynyń sheńberinde 25 naýryz kúni júrgizilgen jedel-izdestirý sharalary kezinde Astana qalalyq ІІD Esirtki saýdasyna qarsy kúres basqarmasynyń qyzmetkerleri 1970 jyly týylǵan áıel adamdy ustady. Ony tintý kezinde 110 gramm geroın tabylyp, tárkilendi.
Qazir áıelge qatysty QR Qylmystyq kodekstiń 259-baby boıynsha qylmystyq is qozǵaldy. Tergeý amaldary júrgizilýde.
