Astanada esirtki saýdalaǵan polıtseı men onyń sybaılastary sottaldy

Astana qalalyq sotynyń baspasóz qyzmetiniń habarlaýynsha, 4 adamǵa qatysty QR QK 390-babynyń 2-bólimi, 24-babynyń 3-bólimi, 190-babynyń 3-bóliminiń 1, 2, 3-tarmaqshalary boıynsha qylmystyq is qarastyryldy.

Sot azamat B-nyń ishki ister organdarynyń qyzmetkeri bola turyp, ári «P» JShS aýmaǵynda esirtki zattarynyń aınalymy týraly málimetteri bile otyryp, qylmys jasaýdy uıymdastyrǵan. Ol ishki ister organdarynyń burynǵy qyzmetkerleri K., B. jáne K-ǵa qylmysty birge jasaýdy usynǵan.

Bıyl 10 qańtarda ol esirtki satqan aǵaıyndy eki er adamdy ustap, olardan qylmystyq jazaǵa tartylmaý úshin iri kólemdegi aqsha bopsalaǵan.

Qoldarynda iri somasy joq aǵaıyndylar basqa týysynan kómek suraǵan. Ol Astana qalasyndaǵy Sybaılas jemqorlyqqa qarsy kúres qyzmetine shaǵym jazyp ishki ister organdarynyń qyzmetkerlerin qylmystyq jazaǵa tartýdy suraıdy.

Sot úkimi boıynsha polıtsııa qyzmetkeri B. qylmystyq jolmen tapqan nemese qylmystyq jolmen tabylǵan qarajatqa satyp alynǵan múlkin tárkileýmen birge jalpy rejimdegi túzeý kolonııasynda 3 jyl, 6 aıǵa bas bostandyǵynan aıyrý jazasyna kesildi. Sondaı-aq ol ómiriniń sońyna deıin quqyq qorǵaý júıesinde qyzmet atqarý quqyǵynan aıyryldy.

Sot úkimi boıynsha azamat K. qylmystyq jolmen tabylǵan nemese qylmystyq jolmen tabylǵan qarajatqa satyp alynǵan múlkin tárkileýmen birge jalpy rejimdegi túzeý kolonııasynda 3 jyl, 6 aıǵa bas bostandyǵynan aıyrý jazasyna kesildi.

Sot úkimi boıynsha azamat B. qylmystyq jolmen tabylǵan nemese qylmystyq jolmen tabylǵan qarajatqa satyp alynǵan múlkin tárkileýmen birge jalpy rejimdegi túzeý kolonııasynda 3 jylǵa bas bostandyǵynan aıyrý jazasyna kesildi.

Sot úkimi boıynsha azamat K. qylmystyq jolmen tabylǵan nemese qylmystyq jolmen tabylǵan qarajatqa satyp alynǵan múlkin tárkileýmen birge jalpy rejimdegi túzeý kolonııasynda 4 jylǵa bas bostandyǵynan aıyrý jazasyna kesildi.

Úkim áli zańdy kúshine engen joq.