Astanada esirtki satyp, qarý qoldanǵan qala turǵyndary qamaýǵa alyndy
ASTANA. QazAqparat - «Qarý» jedel-profılaktıkalyq is-sharasy barysynda Uıymdasqan qylmysqa qarsy kúres basqarmasy men krımınaldyq polıtsııa basqarmasynyń qyzmetkerleri elordadaǵy dámhana mańynda janjal kezinde qarý qoldanǵan 31 jastaǵy er adamdy anyqtady.
Saraptamaǵa sáıkes, qarýdyń gaz-travmatıkalyq kalıbrli 45 RUBBER, MP-80-13T tapansha ekeni anyqtaldy.
Sotqa deıingi tergeý amaldary júrgizilip jatyr.
Sondaı-aq, 38 jastaǵy elorda turǵynyna tıesili VAZ-2115 avtokóliginiń salonyn tekserý barysynda polıetılen paketterge oralǵan 435 dana kóleminde mefedron esirtkisiniń iri partııasy tárkilendi.
Birqatar saraptama taǵaıyndaldy. Onyń ishinde sot-hımııalyq saraptamalar da bar. Esirtki satý deregi boıynsha qylmystyq is qozǵaldy.
Osy qylmystarǵa qatysy bar eki adam da ÝUI-ǵa qamaldy.
