Astanada esirtki bıznesimen aınalysyp kelgen azamatsha quryqtaldy

Búgin ótken aptalyq brıfıngide elordalyq Іshki ister departamentiniń Esirtki bıznesine qarsy kúres basqarmasy bastyǵynyń orynbasary Oljas Ábdikárimovtyń málim etkenindeı, tamyzdyń ótken 28-i kúni qala aýmaǵynda ótkizilgen jedel izdestirý jáne arnaıy keshendi sharalar barysynda, Kenesary kóshesi boıynda jalpy salmaǵy 5 gramm geroındi satý ústinde T. esimdi azamatsha qolǵa tústi.

Anyqtalǵandaı, 1978 jyly týǵan azamatsha buryn isti bolǵan, onyń turǵylyqty jerin tintý barysynda geroınniń taǵy 24 gramy tabyldy.

«Tergeý amaldarynan keıin ol Astana qalasynyń ýaqytsha ustaý abaqtysyna jabyldy. Qazirgi ýaqytta QR Qylmystyq Kodeksiniń 259-shy baby, 3-shi bóligi, «v» tarmaqshasy boıynsha qylmystyq is qozǵaldy. Tergeýdi Astana qalalyq ІІD-niń Tergeý basqarmasy júrgizýde», dep atap ótti O.Ábdikárimov.